নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

১০ টকাতেই তেজৰ বহু পৰীক্ষা

অভিনৱ পথ দেখুৱালে খড়গপুৰ আই আই টিয়ে

69

তেজৰ মূল উপাদানসমূহ বঢ়া–টুটা কৰিছে নেকি– তাৰ প্রাথমিক পৰীক্ষা কৰিব পৰা যাব মাত্র ১০ টকাতে৷ এখন সাধাৰণ পেথ’লজিকেল লেবৰেটৰীত এনে পৰীক্ষা কৰোঁতে খৰচ হয় ২৫০–৩০০ টকা৷ আনহাতে নামী–দামী লেবত এই সকলো পৰীক্ষাৰ বাবত ভৰিব লাগে ৫০০ টকা বা তাতকৈ বেছি৷ খড়গপুৰ আইআইটিয়ে উদ্ভাৱন কৰা পদ্ধতিত আমাৰ শৰীৰৰ পৰা এই পৰীক্ষাৰ বাবে চিৰিঞ্জত তেজ ভৰোৱাৰ প্রয়োজন নাই৷ মাত্র ১ বিন্দু (১ লিটাৰৰ ১ লক্ষ ভাগৰ মাত্র এভাগ) তেজ পৰীক্ষা কৰিলেই জনা যাব আমাৰ তেজত হিমটোক্রিট, হিম’গ্লবিন, শ্বেত ৰক্তকণিকা, লোহিত ৰক্তকণিকাৰ সংখ্যা ঠিকেই আছে নে বা বঢ়া–কমা কৰিছে৷ জ্বৰৰ পৰা আৰম্ভ কৰি কেঞ্চাৰলৈকে সকলো বেমাৰতে চিকিৎসকে প্রাথমিকভাৱে তেজৰ পৰীক্ষা কৰিবলৈ দিয়ে৷ এনে তেজ পৰীক্ষা খুব সহজ, কম খৰচী কৰাৰ উপায় উদ্ভাৱন কৰিছে খড়গপুৰৰ ইণ্ডিয়ান ইনষ্টিটিউট অৱ টেকন’লজী (আইআইটি)ৰ অধ্যাপক সুমন চক্রৱর্তীৰ নেতৃত্বত এদল গৱেষকে৷ এই দলটোৰ অন্যতম সদস্য হ’ল ৰাহুল আগৰৱালা, দেৱদীপ মুখোপাধ্যায়, অর্ণৱ সৰকাৰ আৰু অর্কভৌমিক৷ গৱেষণাপত্রখন প্রকাশিত হৈছে আন্তর্জাতিক বিজ্ঞান আলোচনী ‘বায়’ছেন্সর্ছ এণ্ড বায়’ইলেক্ট্রনিক্স’ত৷

You might also like