নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

আইজলত ম্যানমাৰৰ বিদ্রোহীৰ বৃহৎসংখ্যক অস্ত্র–শস্ত্র উদ্ধাৰ

238

নিয়মীয়া বাৰ্তা, ২৬ ডিচেম্বৰঃ মিজোৰামৰ ৰাজধানী আইজলৰ কাষৰীয়া ম্যানমাৰ সীমান্তত সীমান্ত নিৰাপত্তা বাহিনীয়ে কালি উদ্ধাৰ কৰে বৃহৎসংখ্যক অস্ত্র–শস্ত্র৷

বিএছএফৰ ৬১ বেটেলিয়নে কালি নিয়মীয়া টহল দি থকাৰ সময়তে এটা গৃহৰ পৰা এই অস্ত্র–শস্ত্রখিনি উদ্ধাৰ কৰে৷

উদ্ধাৰ হোৱা অস্ত্র–শস্ত্রসমূহৰ ভিতৰত আছে ছটা এম–১৬ ৰাইফল, তিনিটা এ কে–৪৭, এটা এছএলআৰ ৰাইফল, এটা জি–৩ ৰাইফল, এটা ৯ এমএম পিষ্টল, দুটা মাইনছ আৰু গ্রেনেড লন্সাৰ৷ ঘৰটোৰ পৰা সেনাই ১,১৯,১০০ টকাও উদ্ধাৰ কৰে৷

আন্তঃৰাষ্ট্রীয় সীমান্তৰ পৰা ভাৰতৰ দিশে ৫ কিলোমিটাৰ ভিতৰৰ এটা গৃহত উদ্ধাৰ হোৱা এই অস্ত্র–শস্ত্রখিনি ম্যানমাৰ বিদ্রোহীৰ বুলি মন্তব্য কৰিছে বিএছএফে৷ সেনাৰ সূত্র মতে, এই অস্ত্র–শস্ত্রসমূহ পূব ম্যানমাৰৰ ৰাখিনী ৰাজ্যৰ বিদ্রোহী সংগঠন আৰাকান লিবাৰেচন আর্মীয়ে লুকুৱাই ৰাখিছিল৷

বর্তমান এই বিদ্রোহী গোটটো ম্যানমাৰ চৰকাৰৰ সৈতে যুদ্ধবিৰতি চুক্তিত আছে৷

You might also like