নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

২০০ চেনেল ১৩০ টকাতঃট্ৰাই

333

নিয়মীয়া বাৰ্তা ১৪ জানুৱাৰীঃ এতিয়াৰে পৰা গ্রাহকে প্রসাৰ ভাৰতীৰ দ্বাৰা প্রচাৰিত বাধ্যতামূলক চেনেলৰ লগতে ২০০টা চেনেল লাভ কৰিব ১৩০ টকাত৷ টেলিকম ৰেগুলেটৰী অথ’ৰিটী অৱ ইণ্ডিয়া (ট্রাই)য়ে আজি নিউ টেৰিফ অর্ডাৰ (এনটি’)ৰ সংশোধনী ঘটাই পূর্বৰ ১৩০ টকাত ১০০টা চেনেল লাভ কৰাৰ বিপৰীতে এতিয়াৰে পৰা গ্রাহকে একেই মূল্যত লাভ কৰিব ২০০টা চেনেল৷ ট্রাইৰ অধ্যক্ষ আৰ এছ শর্মাই গ্রাহকসকলক অধিক লাভান্বিত কৰাৰ লক্ষ্যৰে এই সংশোধন ঘটোৱা বুলি প্রকাশ কৰিছে৷ পূর্বতে চেনেলসমূহৰ প্রাইচ অৱ বাকেট ১৯ টকাৰ বিপৰীতে এতিয়াৰে পৰা ১২ টকা হ’ব৷ নিয়ম বহির্ভূতভাৱে একাংশ সম্প্রচাৰ কৰোঁতাই মাত্রাধিক মূল্য আদায় কৰি থকাৰ বিষয়টোত উদ্বিগ্ণতা প্রকাশ কৰি সম্প্রচাৰ কৰোঁতাৰ নিয়ম বহির্ভূত কার্যক আইনী প্রক্রিয়াৰে প্রতিৰোধ কৰাৰ পদক্ষেপ গ্রহণ কৰিব ট্রায়ে৷

You might also like