নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

ৰাজনীতিত আহিলে দুগুণে বাঢ়িব প্ৰমোদ বড়োৰ মিছা কথাঃ হাগ্ৰামা

90

নিয়মীয়া বাৰ্তা, ১৩ ফেব্ৰুৱাৰীঃ ‘ৰাজনীতিলৈ নাহো বুলি কোৱা প্ৰমোদ বড়োৱে এতিয়া এবছু ত্যাগ কৰি ৰাজনীতিলৈ আহিব । সেইটো আমি স্বাগতম জনাইছো । ৰাজনীতিৰ জৰিয়তে মানুহৰ বাবে কাম কৰক তেওঁ । কিন্তু এবছুত থাকোতে তেওঁ যিমান মিছা কথা কৈছিল ৰাজনীতিলৈ আহিলে তাৰ দুগুণ মিছা কথা ক’ব ।’ – বৃহস্পতিবাৰে এক সংবাদমেলত এইদৰেই পুনৰ নিখিল বড়ো ছাত্ৰ সন্থাৰ পূৰ্বৰ সভাপতি তথা এটা দিন পূৰ্বে সংগঠনৰ পৰা অব্যাহতি লোৱা প্ৰমোদ বড়োৰ বিৰুদ্ধে সৰৱ হৈ পৰে বিটিচি প্ৰধান হাগ্ৰামা মহিলাৰী ।

এই সংবাদমেলতে হাগ্ৰামা মহিলাৰীয়ে আগন্তুক বিটিচি নিৰ্বাচনত বিজেপি , অগপ আৰু বিপিএফৰ মিত্ৰতা অক্ষুণ্ণ থাকিব বুলি কোৱাৰ লগতে ১০০ ভিতৰত ১০০ লাভ কৰিব বুলিও উল্লেখ কৰে । সকলো জাতি-জনগোষ্ঠীক আগত লৈ এই নিৰ্বাচনত অৱতীৰ্ণ হ’ব লগা বিপিএফ মিত্ৰজোঁটেই পুনৰ বিটিচি চৰকাৰ গঠন কৰিব বুলি কয় বিপিএফ প্ৰধানগৰাকীয়ে ।

উল্লেখ্য যে, উৰ্খাও গৌৰা ব্ৰহ্মক বিপিএফ ৰাজ্যসভাৰ সাংসদ ৰূপে প্ৰক্ষেপ কৰিব যদিহে তেওঁ বিপিএফত যোগদান কৰে । এতিয়াও ব্ৰহ্মলৈ এই সুবিধা আছে বুলি সংবাদমেলত উল্লেখ কৰে হাগ্ৰামা মহিলাৰীয়ে ।

You might also like