নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

বৰ্তমানলৈকে অসমত নাই এজনো ক’ৰোনা আক্ৰান্তঃ ড০ শৰ্মা

99

নিয়মীয়া বাৰ্তা, ২৭ মাৰ্চঃ শুকুৰবাৰে স্বাস্থ্যমন্ত্ৰী হিমন্ত বিশ্ব শৰ্মাই ক’ৰোনা ভাইৰাছ সম্পৰ্কে অসমত গঢ়ি তোলা ব্যৱস্থাৰ বিষয়ে এক সংবাদমেল সম্বোধন কৰে । বৰ্তমানলৈকে অসমত ৩০৮ টা নমুনা পৰীক্ষা কৰা হৈছে । ইয়াৰে শুকুৰবাৰে পুৱা সংগ্ৰহ কৰা ৩১ টা নমুনাৰ ফলাফল আহিবলৈ এতিয়াও বাকী ।

বৰ্তমানলৈকে কোনো এজন লোকৰ শৰীৰতেই ক’ৰোনা ভাইৰাছ লাভ কৰা নাই অসমত । আগন্তুক সময়ত প্ৰতিটো চৰকাৰী নিৰ্দেশনা মানি লকডাউনৰ সময়তে নিজকে ঘৰৰ ভিতৰত ৰাখিবলৈও আহ্বান জনায় মন্ত্ৰীগৰাকীয়ে ।

ইফালে, গুৱাহাটী মেডিকেল কলেজ হাস্পতালক কেৱল ক’ৰোনা ৰোগীৰ বাবে গঢ়ি তুলিবৰ বাবে আন ৰোগীসমূহৰ দায়িত্ব ব্যক্তিগত হাস্পতালক ল’বলৈ কোৱা অনুৰোধ পাচতেই এতিয়া সঁহাৰি জনাইছে প্ৰতিখন ব্যক্তিগত হাস্পতালে । কেৱল প্ৰসূতি আৰু জৰুৰীকালীন বিভাগহে থাকিব গুৱাহাটী মেডিকেল কলেজ হাস্পতালত ।

এই মডেল অনুসৰি আগন্তুক দিনত অসম মেডিকেল কলেজ হাস্পতাল আৰু শিলচৰ মেডিকেল কলেজ হাস্পতালকো কেৱল ক’ৰোনা ৰোগীৰ বাবে গঢ়ি তোলা হ’ব বুলি জানিবলৈ দিয়ে মন্ত্ৰীগৰাকীয়ে ।

৭ দিন কাম কৰাৰ পাচত এজন ডাক্তৰক ১৪ দিনৰ কোৱাৰেণ্টাইনত ৰখাৰ কথাও কয় মন্ত্ৰী ড০ শৰ্মাই ।

You might also like