নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

কৃষ্ণাইত বন বিভাগৰ অভিযানত উচ্ছেদ অবৈধ কাঠফলা মিলা

71

নিয়মীয়া বাৰ্তা ২৯ জানুৱাৰীঃ কৃষ্ণাইত অব্যাহত আছে চোৰাং কাঠৰ ৰমৰমীয়া বেহা। একাংশ লোকে গোপনে কাঠফলা মিল স্থাপন কৰি চলাই গৈছে কাঠৰ অবৈধ ৰমৰমীয়া বেহা ৷ গোপন সূত্ৰৰ পম খেদি গোৱালপাৰা জিলা বন সংমণ্ডল বিষয়া (DFO), প্ৰটেকশ্যচ বিষয়া কুলদ্বীপ দাস আৰু কৃষ্ণাই বন বিষয়া চিবানী পেগুৰ যৌথ নেতৃত্বত এক অভিযান চলায় ৷ এই অভিযান কালতে কৃষ্ণাইৰ মানিকপুৰ আৰু পেটকাটাত দুটাকৈ অবৈধ কাঠফুলা মিল উচ্ছেদ কৰে ৷ অৱশ্যে কোনো এজন চোৰাং ব্যৱসায়ীক আটক কৰিবলৈ সক্ষম নহল যদিও দুয়োটা কাঠফলা মিলৰ পৰা লক্ষ টকাৰ কাঠ জব্দ কৰিবলৈ সক্ষম হৈছে বন বিভাগে ৷ উল্লেখ্য যে, বহু দিনৰে পৰা চোৰাং ব্যৱসায়ী সকলে উচ্ছেদিত কাঠফুলা মিল দুটা স্থাপন কৰি অবৈধ ভাৱে কাঠৰ ৰমৰমীয়া বেহা চলাই গৈছিল বুলি বন বিভাগে জানিবলৈ দিয়ে ৷

You might also like